Magnus og Tenorane

Magnus Staveland og Tenorane kjem til Storstova i år igjen, og gler seg til å by deg inn i julestova – for ellevte året på rad! Det vert juletryll frå Steffen Horn sitt piano, og ikkje mindre enn fire tenorar som strekk seg både høgt, lågt og breitt i tonehøgd og sjanger: Henrik Hundsnes, Aasmund Rognøy-Kaldestad, David Fielder … ja, og så Magnus, då.

Årets gjesteartistar er Magnus’ eigne nærmaste – Eva Lunde og Åse Lunde Staveland – pluss Erlend Lygren på trommer og Magnus Rød Haugland på bass. Det burde garantera for vellyd godt eigna til å smyga seg inn øyregangane – så er du ikkje klar for jul når du går inn på konserten dagen før dagen før dagen … før dagen før dagen før dagen, så er det stor fare for at du i alle fall er det når du går ut igjen!