Herborg Kråkevik – Helsing Herborg

Helsing Herborg er ein intimkonsert med innslag frå Kråkeviks songbok, Edith og eg, Herborgs verden og songar frå årets sesong av Hver gang vi møtes på TV2.

Herborg kjem med heile sitt register, frå inderlege tolkningar av norske songbokskattar til uvørne/uærbødige parodiar og uventa tolkningar av moderne popmusikk.

Med seg på turnéen har ho Helge Lilletvedt/Tove Kragset på piano og Torbjørn Økland på gitar og trompet.

Helsing Herborg er ein konsert der eg syng songar eg har samla på opp gjennom årene og gjort til mine, og så fortel eg om ting eg har opplevd og ting eg er oppteken av på ein forhåpentleg underhaldande måte… Eg håpar de har lyst til å komma!    – Herborg

Herborg Kråkevik er ein allsidig songer og skodespelar, særleg kjend for sine tolkningar av norske songer og viser frå det klassiske norske songrepertoaret, og for store sceneroller og elleville parodiar.